თბილისის საკრებულოს მისია

      ქალაქ თბილისის საკრებულო არის ქალაქ თბილისის თვითმმართველობის წარმომადგენლობითი ორგანო, რომელიც იქმნება შესაბამის ადგილობრივ საარჩევნო ოლქებში მაჟორიტარული საარჩევნო სისტემით არჩეული 25 წევრისგან და  თბილისში პროპორციული საარჩევნო სისტემით არჩეული 25 წევრისგან. 

      ქალაქ თბილისის საკრებულო ახორციელებს თვითმმართველობას ქალაქ თბილისში, აგრეთვე კანონით დადგენილ ფარგლებში კონტროლს უწევს ქალაქ თბილისის მთავრობის საქმიანობას, ახორციელებს საქართველოს კონსტიტუციით, სხვა საკანონმდებლო აქტებითა და საკრებულოს რეგლამენტით მისთვის განსაზღვრულ სხვა უფლებამოსილებებს. საკრებულოს უფლებამოსილების ვადაა 4 წელი.